Бөгөн иртәнге сәғәт 9-ға алынған мәғлүмәттәр буйынса Ғәҙәттән тыш хәлдәр министрлығының Башҡортостан буйынса баш идаралығы 25 йорт яны биләмәһен, 6 юл һәм 5 күперҙе һыу баҫыуға бәйле Әбйәлил, Белорет, Көйөргәҙе, Салауат, Учалы, Мәләүез, Бөрйән, Дыуан һәм Ҡариҙел райондарында 9 муниципаль берәмектә 18 хәлде контролдә тота.
Әбйәлил, Учалы, Салауат һәм Белорет райондарындағы 7 хәл контролдән алынды. Йорт яндары һыуҙапн асылды. Учалы районан аэромобиль төркөм үҙ эшен тамамлап Өфөгә ҡайтты.
Дыуан районында Йүрүҙән йылғаһы ташып, Октябрь һәм Потаповка ауылдары араһындағы юлға сыҡты. Йорт ихаталарын һыу баҫыу ҡурҡынысы юҡ, урында ваҡытлыса гидро постар ҡуйылған, мониторинг үткәрелә, Ғәҙәттән тыш хәлдәр министрлығы хеҙмәткәрҙәре һәм ҡотҡарыусылар тәүлек әйләнәһенә дежур итә.
Республиканың һәм Силәбе өлкәһе һыуһаҡлағыстарынан да һыу ебәреү кәметелде.
Ғәҙәттән тыш хәлдәр министрлығының Башҡортостан буйынса баш идаралығында тәүлек әйләнәһенә оператив штаб эшләй. Хәл контролдә.
Ғәҙәттән тыш хәлдәр министрлығының Башҡортостан буйынса баш идаралығы матбуғат хеҙмәткәре Ленария Ямалетдинова әҙерләне.
«Йәшлек» газетаһы
